تنهدت فى عمق .. تسللت حمره خفيفه لتزين وجنتين ترتعدان من خجل .. قالت ردا على سؤال رفيقتها :
"طيب.. ذكى ... مستعد يعمل اى حاجه عشان خاطرى على الأقل أنا حاسه بكده"..
صمتت هنيهه .. رفعت بصرها للأعلى بحثا عن شىء ما تضيفه .. بحركه لا اراديه تتشابك أصابع يديها اليمنى مع اليسرى فى إرتباك ظاهر .. تحاول جاهده أن تجد طرف الخيط لتكمل حديثها..
تستطرد فجأه _على طريقة وجدتها :"
عارفه ده كمان بيحب اللون الازرق اه والله بيحب نفس الألوان اللى بحبها".
تتنهد بعمق تقول فى محاوله لحسم الأمر:"يووووه بقى .. بصى من الأخر كده حاسه انه بتاعى بجد حاجه بتاعتى مش عارفه ليه".
تحمر خجلا وتضيف: "يمكن عشان بيحب منير"!!
تبتسم صديقتها فى رفق
ترد بابتسامه لئيمه : طيب خلاص كفايه .. لا فعلا فعلا أقنعتينى
عندما نحب لا نحتاج لمبررات .. نحن نختلقها
